Денес во 12:22 часот, Босна и Херцеговина беше погодена од земјотрес со јачина од 3,4 степени според Рихтеровата скала, потврди Европскиот медитерански сеизмолошки центар (EMSC).
Епицентарот на земјотресот е регистриран 14 километри западно од Мостар, на длабочина од пет километри.
Според првичните информации, земјотресот е почувствуван во поширокото подрачје на Херцеговина, но и во Босна, Хрватска и Црна Гора. Најсилното тресење на земјата го почувствувале жителите на Мостар и околните градови.
Граѓаните на социјалните мрежи велат дека тресењето било кратко, но доволно силно за да се почувствува во становите и куќите.
Досега нема извештаи за материјална штета или повредени.
За потсетување, Херцеговина е сеизмички активно подрачје, а во овој дел од Босна и Херцеговина речиси секоја година се регистрираат благи и умерени земјотреси.