Израелскиот министер за одбрана Израел Кац денес изјави дека го разгледал воениот план за заземање на Газа Сити, за време на состанокот со началникот на Генералштабот на израелската армија, Ејал Замир, и други високи офицери.
На состанокот беа презентирани главните принципи на операцијата за заземање на Газа Сити и други области од палестинската енклава, каде што Израел сè уште не добил целосна контрола, а овој план беше одобрен од израелскиот кабинет за безбедност претходно оваа недела, објавува „Тајмс оф Израел“.
„Израел е решен да го победи Хамас во Газа, да ги ослободи сите заложници и да ја заврши војната“, рече Кац, според соопштението од неговиот кабинет.