Три лица загинаа додека пливаа во морето во регионот Одеса кога два непознати предмети експлодираа во забранетата зона за пливање, соопшти регионалната полиција, објавија денес украинските медиуми.
Истражни и оперативни тимови, експерти за експлозиви и спасувачи се на местото на настанот, објави Укринформ.
Како што изјави Олег Кипер, началник на полициската служба на регионот Одеса, на каналот Телеграм, инцидентот се случил во областите Затокa и Каролино-Бугаз.
– Три животи се изгубени поради непочитување на забраната. Еден маж загина во Каролино-Бугаз, а маж и жена загинаа во близина на Затокa. Сите загинаа во експлозија на непознати предмети додека пливаа во зони каде што е забрането – рече Кипер.
Тој потсети дека во овој регион има 32 безбедни зони за пливање кои поминала детална инспекција и во кои нема опасност од мини во морето и на брегот.
Во градот Затокa во јуни, две лица беа убиени од експлозија на мина, потсети Укринформ.