Неколку лица загинаа, а најмалку тројца се повредени во железничка несреќа што се случи денес во германската покраина Баден-Виртемберг, јавува германската новинска агенција ДПА, повикувајќи се на безбедносни извори.
Несреќата се случила околу 18:10 часот во близина на градот Ридлинген, во округот Биберах, кога регионален патнички воз на Германските федерални железници излетал од шините, според германскиот Билд.
Според полицијата, два вагона целосно излетале од шините, а во моментот на несреќата во возот имало околу 100 патници.