Тело на девојче е пронајдено на плажа во предградието на Атина објавија грчките медиуми. Телото е пронајдено на плажата Палео Фалиро.
Проценките покажуваат дека детето имало околу две години.
Телото е откриено од египетски државјанин, кој веднаш се јавил во службите за итни случаи на бројот 112.
Екипа на брза помош го пренела телото на девојчето во Детската болница, каде што ќе се изврши обдукција за да се утврди причината за смртта.
Полицијата, исто така, ги проверува базите на податоци за исчезнати лица, но идентитетот на детето сè уште не е познат. Истрагата е во тек.