Продолжува претрагата по 16-годишното девојче кое вчера поладне беше приавено дека исчезнало во водите на реката Вардар.
– Од рано изутрина, на лице место се ангажирани припадници на МВР, специјалната единица на Армијата „Волци“, како и припадници од Полициската станица Велес, со цел продолжување на потрагата. Акцијата се одвива во координација и со зголемено присуство на терен, информираат од Центарот за управување со кризи.
Случајот беше пријавен вчера попладне од сестрата на исчезнатото девојче. Спасувачито набрзо по пријавата ја пронајдоа 26-годишната девојка за која исто така беше пријавено дека потонала во реката.
Од Центарот за управување со кризи информираат дека синоќа потрагата била привремено прекината поради небезбедни услови за претрага во ноќни услови.
– Дежурниот оперативен центар на ЦУК беше известен дека екипите се повлекуваат поради немање минимум соодветни услови за безбедна претрага во текот на ноќта. Рано утрово, тимовите продолжија со активностите со взаемна координација и максимален ангажман – изјавија од ЦУК.