Заштитата на Друзите во Сирија и нивните права е приоритет за сириските власти, изјави денес сирискиот привремен претседател Ахмед ал-Шара.
Тој им се обрати на граѓаните по вчерашните израелски напади врз јужна Сирија и воздушните напади врз Дамаск, нагласувајќи дека отфрла секаков обид за влечење на Сирија во војна, пренесува Ројтерс.
„Ние не сме меѓу оние кои се плашат од војна. Цел живот се соочувавме со предизвици и го браневме нашиот народ, но ги ставивме интересите на сирискиот народ пред хаосот и уништувањето“, рече ал-Шара.
Тој додаде дека сирискиот народ не се плаши од војна и е подготвен да се бори ако му е загрозено достоинството.
Во конфликтот во јужна Сирија, Израел вчера нападна неколку цели во Дамаск, вклучувајќи ја и зградата на Министерството за одбрана, а според сириското Министерство за здравство, три лица беа убиени, а 34 беа ранети.
Друзите претходно три пати се согласија на прекин на огнот, но секој пат брзо го прекршуваа и ги продолжуваа борбите во градот Свеида, каде што мнозинството од населението се Друзи.