Кина објави дека ќе ја зајакне поддршката за Русија откако американскиот претседател Доналд Трамп се закани со високи царини од околу 100% ако Москва не ја прекине војната во Украина во рок од 50 дена, објави кинеската државна новинска агенција Ксинхуа.
Кинескиот претседател Си Џинпинг изјави дека Пекинг и Москва треба „да ја зајакнат меѓусебната поддршка на мултилатералните форуми“ откако го прими рускиот министер за надворешни работи Сергеј Лавров во Пекинг.
За потсетување, Трамп, покрај заканите со царини за Русија, се закани и со секундарни царини од 100% за земјите што увезуваат руски енергетски производи. Најголеми увозници на руски енергетски производи се Кина и Индија.