Иран се сомнева во посветеноста на Израел кон договорите за прекин на огнот и е подготвен да му даде остар одговор на Тел Авив доколку се повтори агресијата врз Техеран, изјави денес началникот на Генералштабот на иранските вооружени сили, генерал-мајор Абдулрахим Мусави, во разговор со саудискиот министер за одбрана Халед бин Салман.
Мусави изјави дека Техеран не ја започнал војната, туку му одговорил на „агресорот“ со сета сила што ја има.
„Бидејќи имаме целосни сомнежи во посветеноста на непријателот кон своите обврски, вклучително и прекинот на огнот, подготвени сме да дадеме остар одговор во случај на повторена агресија“, рече тој, според Тасним.