Иранскиот врховен лидер, ајатолахот Али Хамнеи, денес изјави, во објава на платформата X, дека исламската нација „никогаш нема да се предаде на Соединетите Американски Држави“.
„Иранскиот народ треба да знае дека причината за конфликтот со Америка е тоа што тие сакаат Иран да капитулира“, напиша Хамнеи во објава на фарси, додека десетици илјади луѓе во Техеран присуствуваа на масовниот погреб за 60 лица убиени во неодамнешните израелски напади врз Иран.
Тој додаде дека САД направиле голема навреда кон иранската нација и дека таков настан никогаш повеќе нема да се случи, објави CNN.