Во Скопје пристигна првата евакуирана група македонски државјани од Израел

Од:

Првата група македонски државјани кои побараа евакуација од територијата на Израел, синоќа пристигнаа на скопскиот аеродром, објави министерот за надворешни работи Тимчо Муцунски на социјалните мрежи.

-Со ова, станавме една од првите земји во Европа што успешно организираше и реализираше повраток на своите граѓани од зоната на конфликт, наведе Муцунски.

До понеделникот вкупно 28 македонски државјани побараа поддршка за евакуација по ескалацијата на безбедносната состојба на Блискиот Исток.

Министерот за надворешни работи и надворешна трговија Тимчо Муцунски тогаш на прес-конференција изјави дека вкупно 28 лица се пријавиле да бидат евакуирани од Израел и оти евакуацијата ќе се врши со владиниот авион. Тогаш најави дека осум наши државјани, од кои четири деца, ќе заминат во Египет и со авион на Владата, придружени од безбедносен конвој ќе пристигнат во Скопје.

-Веднаш по добиените информации за ескалацијата на состојбата на Блискиот исток, Министерството, преку нашата амбасада во Израел отпочна активности за евакуација на наши граѓани. Формиран е и кризен штаб за безбедно извлекување на нашите државјани. Истовремено нашата Амбасада во Тел Авив од самиот почеток на кризата е во редовна и непосредна комуникација со сите наши граѓани, нагласи Муцунски.

Министерот во понеделникот најави дека втората група се очекува да го напушти Израел и да замине кон нашата држава веднаш по воспоставување редовен авионски сообраќај од Тел Авив.

-Со оглед на прекинот со воздушниот сообраќај со Израел, во оваа фаза евакуацијата ќе се реализира со авион во сопственост на Владата кој ќе обезбеди транспорт за првата група државјани кои изразија подготвеност веднаш да ја напуштат територијата на Израел, рече Муцунски на прес-конференција.

Би можело да ве интересира

Убиен „клучен“ член на палестинската милитантна група Хамас

Иран: Најмалку 1.060 убиени во војната со Израел

Кос: Владата во Скопје има историска можност и одговорност да направи решавачки чекор кон ЕУ

Најмалку 11 лица убиени во израелски напади во Газа и Рафа

Аракчи: Израелските напади врз Иран се предавство на дипломатијата, но САД можат да ја оживеат

Италија започна да си ја истражува земјата за минерали, македонските геолози велат дека во тоа лежи енергетската иднина