Соединетите Американски Држави го намалуваат бројот на својот несуштински дипломатски персонал во земјите од Блискиот Исток, во услови на зголемени тензии во регионот, бидејќи разговорите на САД со Иран за неговата нуклеарна програма се чини дека „наидоа на ќорсокак“, соопшти Стејт департментот.
Во соопштението се вели дека на несуштинскиот персонал во амбасадите на САД во Ирак, Бахреин и Кувајт му е наредено да ги напушти земјите, објави АП.
На членовите на семејствата на персоналот исто така им е наредено да заминат.
Не е јасно колку обемен би можел да биде израелскиот напад, но тензиите се зголемуваат со месеци, а израелскиот премиер Бенјамин Нетанјаху го повикува Трамп да го искористи она што Тел Авив го смета за момент на ранливост на Иран за напад.
Трамп претходно го отфрли израелскиот план за напад, инсистирајќи дека сака да преговара за договор со Техеран што би ја ограничил способноста на Иран да произведува нуклеарно гориво. Пред две недели, тој рече дека го предупредил Нетанјаху да не започнува напад додека траат преговорите меѓу САД и Иран.