Украинскиот претседател Володимир Зеленски изјави дека Русија се обидува да ги користи заробените странски доброволци за да изврши притисок врз нивните земји, објавија денес украинските медиуми.
Зеленски додаде дека Русија одбива да размени заробени белоруски државјани кои се бореле на страната на Украина, објави агенцијата Укринформ.
„Русите нема да разменуваат заробени граѓани од други земји со нас затоа што сакаат да ги користат во односите меѓу Русија и земјите од кои доаѓаат“, им рече Зеленски на новинарите.
Тој истакна дека Русија понекогаш го користи ова за да изврши притисок, а понекогаш им се потребни овие луѓе за да ги размени за свои агенти кои се во затвори во други земји.