Вечерва во 21.15 часот во СВР Тетово било пријавено дека на улица 111 во Тетово, непознати лица кои биле со моторцикл, од автоматска пушка пукале во куќата сопственост на М.Т. од Тетово и истите веднаш се дале во бегство.
„Веднаш било постапено во однос на пријавата каде било констатирано дека немало повредени лица и на лице место биле пронајдени околу 30 чаури од автоматско оружје. Во моментот на пукањето во куќата биле сопственикот со неговото семејство и на куќата биле забележани оштетувања. Известен е јавен обвинител и се прземаат мерки и активности за пронаоѓање на сторителите и расчистување на случајот, додека увид на лице место врши екипа при СВР Тетово“, извести полицијата.