Унгарскиот премиер Виктор Орбан денес изјави дека енергетската закана од Украина ескалирала, но дека целта на енергетската политика на Брисел, нагласи тој, е да ја поддржи Украина по секоја цена.
„Јасно е дека бирократите во Брисел се префрлија на апсурдна енергетска политика. За нас, целта на енергетската политика е енергијата да биде евтина, достапна и безбедна. Ова е основата за конкурентноста на економијата и благосостојбата на семејствата. Но, бирократите во Брисел очигледно не се заинтересирани за животите на европските луѓе“, напиша Орбан на Фејсбук.
Тој оцени дека целта на енергетската политика на Брисел е да ја поддржи Украина по секоја цена и дека тоа е единствениот аспект што ги води, пренесува МТИ.