Социјалистичката партија на албанскиот премиер Еди Рама победи на денешните парламентарни избори во Албанија и според првите излезни анкети освоила 51,8 отсто од гласовите, односно парламентарно мнозинство од 79 пратенички места од вкупно 140 пратенички места.
Според проекцијата на весникот „Albanijan post“ втора десничарска опозициска коалиција е Демократската партија – Алијанса за Голема Албанија, која добила 38 отсто од гласовите, односно 54 пратенички места.
Гласањето на парламентарните избори во Албанија заврши во 19 часот кога беа затворени избирачките места.
Според последните податоци на Централната изборна комисија, заклучно со 18 часот излезноста била 41,41 отсто.
Во Тирана излезноста била 47,78 отсто, во Кукс 45,73, Елбасан 40,91, Берат 38,51 и Лежа 39,99 отсто.
Право на глас имаа вкупно 3,7 милиони граѓани, а во гласањето првпат учествуваше и дијаспората.
За 140 пратенички места во парламентот се натпреваруваа вкупно 2.046 кандидати, односно 186 кандидати од секоја изборна единица.