Венко Филипче е опкружен со криминалци и уживатели на дрога. Фотографиран е со Андон Стојков, кој пред два дена во Штип е фатен од страна на полицијата со дрога. Андон Стојков е поранешен претседател на СДММ Струмица и важи за близок човек до Зоран Заев и Венко Филипче, рече на прес конференција Валенстин Манасиевски од ВМРО-ДПМНЕ.
– Ова е Андон Стојков во друштво на Венко Филипче. Од фотографијата се гледа дека истата не е случајна, ниту пак дел од некој масовен настан, па да се рече дека Филипче не знаел со кого се фотографира. Ова е фотографија на Андон Стојков со Зоран Заев, во пријателска атмосфера на заедничка забава. Го прашуваме Венко Филипче со уште колку криминалци е опкружен? И што тој има заедничко со нив, рече Манасиевски покажувајчи фотографии.