На патот Кичево-Гостивар, меѓу Кичево и село Трапчин Дол вечерва се случила тешка сообраќајна несреќа во која, според информациите од портпаролот на СВР Охрид, загинале три лица.
– Во 20.55 часот е пријавено дека се случила сообраќајна незгода на патот Кичево-Гостивар, помеѓу Кичево и село Трапчин Дол во која учествувале три возила. Според првичните информации три лица починале како последица на добиените повреди, а шест лица се пренесуваат во болницата во Кичево. Сообраќајот е во прекин во двата правци за сите видови возила, вели Стефан Димовски, портпарол на СВР Охрид.
Сообраќајот на оваа делница е во целосен прекин.