„Понижување е за градот Охрид тоа што повторно се воспоставува коалицијата Црвенковски – Петрески, истата која го жртвува градот само за да се задоволат интересите на сопствената тајфа. Охрид и граѓаните се желни за одговори на многу прашања, на кои никогаш не добиле одговори од градоначалникот Александар Петрески и лидерот на СДСМ Бранко Црвенковски, рече претседателот на Општинската огранизација на ВМРО-ДПМНЕ од Охрид, Атанаско Михаилов.
Михаилов побара од Петрески и Црвенковски да објаснат зошто постојано ги зголемуваат јавните давачки кон граѓаните на Охрид, за чии интереси во градот се спроведува урбан масакр и се уништува неговата иднина, како од економски и туристички, така и од демографски аспект.
Од ВМРО-ДПМНЕ се уверени дека народот никогаш повеќе нема да се идентификува со криминален начин на водење на Охрид, дека ќе крене глас против осумгодишното криминално и коруптивно владеење на Петрески и неговата тајфа со Охрид, против Петрески кој ги урна сите надежи за иднината.