При експлозија во рудник за јаглен во северниот дел на Мексико вчера загинаа седум рудари, соопштија локалните власти.
„Спасувачките служби по повеќечасовни обиди за спасување ги извлекоа на површина телата на загинатите рудари, кои се на возраст меѓу 20 и 39 години“, изјави Хуан Антонио Ибара, претставник на итните служби во државата Коавила, додавајќи дека овие рудници никогаш не применуваат соодветни безбедносни мерки.
Тој истакна дека експлозијата, која се случила на 75 метри под земјата, најверојатно била предизвикана од гас.
Спасувачката операција, во која учествувале 50 луѓе, минувала полека поради тоа што рудникот морал да се проветрува за да не дојде до нова експлозија.