Пред утрешното доаѓање на Мирослав Шиповиќ од САД, лидерот на опозицијата Зоран Заев бара мерката притвор да биде укината, или во спротивно Никола Груевски и ВМРО-ДПМНЕ ќе ја сносат целата одговорност за понатамошниот развој на настаните.
Претседателот на СДСМ повтори дека ќе се стави во мирување учеството во Комисјата за 24 декември, во активностите на ЗЕЛС, и дека советниците на СДСМ нема да учествуваат на првата седница во сите општини. Според него ова се само први чекори кои треба да го предупредат Никола Груевска кај него да проработи разумот.
Акцијата за апсење на Шиповиќ и членови на неговото семејство за Заев се само инструмент преку кој власта сака да ја закочи работата на советот во Центар.
Власта не сакала криминалното гнездо созадено во Центар да биде разаоткриено и да се објават документите за најголемиот грабеж на народни пари во историјата на Македонија, изјави Заев.
Заев потенцираше дека СДСМ не бара амнестија за Шиповиќ, туку укинивање на притворот, а со тоа власта ќе покажела дека целта на истрагата е финансиски криминал, а не блокада на работата на Општина Центар.
Бојан Стојановски