Ерол Маск, таткото на Илон Маск, изрази восхит од рускиот претседател Владимир Путин „како маж“ велејќи дека би било „глупаво да не му се восхитуваме“ во интервју за BBC Russia.
Тој вели дека времето ќе покаже кој всушност ја започнал големата инвазија на Украина, а Путин го смета за „силен лидер“.
„Би било глупаво да не му се восхитувам на Путин. Ги слушам неговите говори – тој кажува логични работи. Ако го набљудувате исклучиво како маж, а не во контекст на меѓународната политика, тешко е да не почувствувате почит кон господинот Путин“ – рече тој.
Ерол Маск, поранешен јужноафрикански бизнисмен и политичар, е познат по турбулентниот однос со своите деца.
Помладиот брат на Илон, Кимбал, претходно изјави дека нивниот татко им викал со часови, нарекувајќи ги безвредни и патетични.
На прашањето за односот на Маск кон Путин во интервју за BBC Russia, Ерол рече дека нивните ставови се слични.
„Сите мислиме така. Сите сме исти“, рече тој во врска со своето семејство.