Во силната експлозија која што утрово се случи околу 03:45 часот во северно Косово нема повредени, но причинета е голема материјална штета.
Според пишување на „Блиц“ бомбата експлодирала во станот на 69-годишниот Небојша Мариќ од Косовска Митровица, вработен во Управата за приходи, додека мотивот за инцидентот се уште не е познат.
Од јачината на експлозијата искршени се стаклата на мотелот ББ кој се наоѓа во непосредна близина, а на неколку граѓаните им е укажана и лекарска помош. Надлежните работат на расчистување на случајот.
Елена Георгиевска