Министерот за одбрана на Република Македонија Талат Џафери, денеска во рамките на посетата на македонскиот контингент кој е дел од силите ИСАФ, оствари средба со министерот за одбрана на Авганистан, Бисмила Кан Мохамади.
На средбата, како што соопшти Министерството за одбрана, соговорниците размениле мислења за моменталната состојба во средно-азиската земја, како и за плановите за понатамошен развој и демократизација.
Министерот Мохамади му се заблагодарил на министерот Џафери за придонесот на македонските мировници во напорите за етаблирање на мирот и демократијата во овој дел од светот.