Делегација на АРМ предводена од началникот на ГШ генерал-потполковник Горанчо Котески, по повод 11 Октомври – Денот на на народното востание, денеска во Прилеп положи венец на споменикот на Методија Андонов – Ченто.
Во рамките на одбележувањето на празникот, во центарот на Прилеп беше поставена изложба на борбени средства, техника и опрема на АРМ. На изложбата беа прикажани боречки вештини и вежби со спуштање по јаже од страна на припадниците на полкот за специјални операции на АРМ, како и службените кучиња.
Во чест на празникот, делегации на МО и ГШ на АРМ во Скопје положија цвеќе на партизанските гробишта, на гробот на поранешните претседатели Борис Трајковски и Киро Клигоров и на гробот на генерал Михаило Апостолски на градските гробишта во Бутел, како и на споменикот на Методија Андонов – Ченто и на споменикот на хероите во центарот на Скопје.