Началникот на ГШ на АРМ генерал-мајор Горанчо Котески денеска имаше проштална средба со полковникот Тод Браун кој во изминатите три години ја извршуваше должноста одбранбено аташе на САД во Република Македонија.
Како што соопшти ГШ на АРМ, генералот Котески искажал признание и благодарност до полковникот Браун за неговиот професионален ангажман, кој, како што истакнал, дал соодветен придонес кон унапредувањето на соработката на АРМ со Вооружените сили на САД.
На средбата присуствувал и новоназначеното одбранбено аташе на САД во Република Македонија, полковник Џефри Предмор кој искажал подготвеност дека во наредниот период ќе ја продолжи одличната соработка меѓу двете армии.