Жителите на Тетово можеа да напишат што е она што им недостига во нивниот град. Во центарот на Тетово беа поставени табли на кои се испишуваа желбите на македонски и албански јазик.
Повеќето од нив пишуваа: Во Тетово сакам… повеќе паркинг простор, повеќе зеленило, театар на македонски јазик, толеранција, повеќе вода за пиење и друго.
Огранизатор на оваа кампања е фондацијата НВО „Инфо центар“ во соработка со Младински образовен форум, поддржани од Европската комисија.
„Целта на кампањата е луѓето да започнат да се изразуваат слободно. Затоа ги поставуваме овие ѕидови. Ова е дел од националната кампања за слободно изразување, која ја спроведуваме во повеќе градови“, изјави Андреа Митровска, која е една од иницијаторите.
