Српскиот претседател Александар Вучиќ денеска за „Фајненшл тајмс“ (ФТ) изјави дека не гледа промена во американската позиција во однос на воведувањето санкции против српската нафтена индустрија и дека доколку санкциите стапат на сила по истекот на рокот во петок, Србија прво ќе ја чека реакцијата на Русија, а потоа ќе реагира.
Разговаравме и со Американците и со Русите и со сите за изнаоѓање решение“, изјави Вучиќ за ФТ од Белград.
Вучиќ вели, како што додава британскиот весник, дека преговорите со американската страна за прашањето на НИС не се помрднати од „мртвата точка“.
„Доколку санкциите стапат на сила, ќе треба што поскоро да ја видиме реакцијата на руската страна, а потоа ќе треба да реагираме“, нагласи српскиот претседател.
Според него, руската позиција е дека тие сакаат да го задржат својот удел во НИС „по секоја цена“.
Вучиќ призна дека „не е сигурен оти Јанаф ќе престане да транспортира нафта“ во петок, кога истекува рокот за постигнување договор за избегнување на американските санкции.