Словенечкиот премиер Аленка Братушек изјави денеска дека ќе ја напушти Владата, ако го загуби лидерското место на партијата Позитивна Словенија на 19 октомври.
Предупредувањето дојде откако вчера градоначалникот на Љубљана Зоран Јанковиќ, кој ја формира партијата Позитивна Словенија во 2011 година, но поднесе оставка поради корупциски скандал, објави дека ќе ја оспори лидерската функција на Братушек.
– Факт е дека некој друг ќе треба да се обиде да формира Влада, ако јас немам доволно поддршка во партијата, изјави Братушек. На сите треба да ни стане јасно дека времето за игри заврши, рече таа.