Повеќе од 60 луѓе се удавија по потонувањето на бродот во близина на италијанскиот остров Лампедуза, Јужна Италија. Меѓу загинатите има и две деца.
Претходно крајбрежната стража и спасувачите сооопштија дека спасиле 78 луѓе од вкупно 500 имигранти, кои биле на бродот.
– Поголемиот број илегални имигранти се од Сомалија. Кога почувствувале дека тоне бродот запалиле оган како сигнал за помош, поради што избувнал пожар, изјави градоначалничката на Лампедуза Џузи Николини.
Во потрагата за преживеаните се вклучени бродовите на крајбрежната стража и царината, како и хеликоптери.
Во понеделникот се удавија 13 имигранти во обид од насукан брод да допливаат до брегот на Сицилија.