Лидерите на ЕУ вечерва повикаа на зајакнување на конкурентноста и забрзување на работата за зголемување на одбранбената подготвеност на Европа и го поддржаа сузбивањето и спречувањето на нерегуларната миграција во заклучоците што ги донесоа за конкурентноста, европската одбрана и безбедност.
Во однос на одбраната, лидерите повикаа на забрзување на целата работа за решително да се зголеми одбранбената подготвеност на Европа во следните пет години, по заклучоците што ги усвоија на 6 март и презентацијата на Белата книга за иднината на европската одбрана.
Советот истакна дека посилна и поспособна Европска унија во областа на безбедноста и одбраната позитивно ќе придонесе за глобалната и трансатлантската безбедност и е комплементарна на НАТО, што, како што нагласи, останува основа на колективната одбрана на нејзините земји-членки.