Американскиот претседател Доналд Трамп се закани дека ќе воведе царина од 200 отсто за сите алкохолни производи од европските земји.
„Европската Унија, која беше основана со единствена цел да ги експлоатира Соединетите држави, штотуку воведе дрска царина од 50 отсто за вискито. Доколку оваа тарифа не биде веднаш отстранета, САД наскоро ќе воведат тарифи од 200% за сите ВИНА, шампањ и алкохолни производи кои доаѓаат од Франција и други земји од ЕУ. Ова ќе биде одлично за бизнисот со вино и шампањ во САД, напиша Трамп на својата социјална мрежа „Вистина“.
Администрацијата на Трамп вчера воведе глобални царини од 25 отсто за челик и алуминиум. Европската комисија брзо реагираше со објавување листа на американски производи кои би можеле да бидат предмет на контрамерки.
Списокот, кој се протега на 99 страници, главно опфаќа месо, живина, овошје, зеленчук и алкохолни пијалоци, но вклучува и гуми за џвакање, никотински електронски цигари и фластери.
Некои ставки на списокот делуваат како директен напад на американскиот начин на живот – вклучувајќи облека на отворено, шатори, алатки за работилници и апарати за домаќинство. Покрај тоа, има и тешка индустриска опрема како што се градежни машини, машини за чистење снег и мотоцикли.