Канада денеска ќе објави царини за американски стоки во вредност од 29,8 милијарди канадски долари како одговор на тарифите на американскиот претседател Доналд Трамп за челик и алуминиум, изјави неименуван канадски функционер.
Зголемените царини на Трамп за увоз на челик и алуминиум стапија на сила претходно денеска, откако истекоа претходните ослободувања, квотите за бесцарина и исклучувањата на производите.
Канада е најголемиот странски снабдувач на челик и алуминиум во САД, според Ројтерс.