Италијанскиот тенисер Јаник Синер е суспендиран поради двата позитивни допинг теста од минатата година, одлучи денеска Светската антидопинг агенција (ВАДА)!
Синер е суспендиран на три месеци и сега мора да го откаже настапот во Доха, каде што требаше да игра турнир следната недела.
Синер уште во март минатата година беше позитивен на два допинг теста, а во телото му беше утврдено присуство на анаболниот андроген стероид клостебол.
Оттогаш, траеше судењето на Синер, а на крајот беше одлучено да биде суспендиран на три месеци, што значи дека ќе пропушти некои важни турнири.
Поради суспензијата, Синер ќе го пропушти Мастерсот во Индијан Велс, Мајами, Монте Карло, Мадрид и Рим, а ќе се врати непосредно пред почетокот на вториот Грен слем турнир во сезоната – Ролан Гарос.
Ролан Гарос се игра од 25 мај до 8 јуни, а на Синер ќе му истече суспензијата десет дена пред почетокот на турнирот во Франција.