Венко Филипче првпат се стави јавно во целосна одбрана на политиките на Зоран Заев, кои ја понижија, осиромашија и уништија државата.”Ние водевме добри политики” на Венко Филипче е новото “Како до сега”, рече пратеникот на ВМРО-ДПМНЕ Бране Петрушевски.
– Тврдењата на експертите дека Венко Филипче е пион се покажаа за точни. Венко Филипче ја брани, и ги смета за добри политики смената на името, договорот со Бугарија, криминалните афери во РЕК Битола, ЕСМ, СОЗР, Лотарија. Венко Филипче кажа дека со се што направи СДС, тој се согласува и дека истото би го направил. Венко Филипче призна дека тој би направил се што направи и Заев, и дека од него не може да се очекува ништо друго освен нов Зоран Заев. Се потврди тоа што ВМРО-ДПМНЕ го кажуваше, Венко Филипче нема политики, ниту став за најобични прашања, негов став е се што Заев направил и кажал, тој е само бледа копија, и послушник, вели Петрушевки.