Се уште беснеат пламени јазици во Струмица. Горат делови од подалечните ридови, и противпожарните екипи се упатија да го стават пожарот под контрола. Со нив заедно ,како и вчерашниот ден, ќе помага и градночалникот на Струмица, Зоран Заев.
И покрај вчерашното силно невреме и на места поплавените делови, повторно утринава се активираше пожарот, вели за А1, Заев.
Тројца од петмината струмичани, повредени во пожарот се во крајно тешка состојба и се борат за живот во Градската болница. Имаат опекотини по целото тело здобиени од силната експлозија предизвикана од огнот и дождот. Едниот од повредените, Заев на грб, на мотор, го пренесувал за да го спаси.
Вкупниот број на повредени е 14, од нив 7 се деца, кои од детска забава и љубопитност се нашле на местото на пожарите.
Кога пожарот опасно се приближил на 20-тина метри од куѓжќите, Заев побарал помош од канадерите. Од Владата му било побарано писмено барање, што општината, согласно прописите го сторила, но веќе дождот почнал силно да паѓа и го згаснал огнот. Заев ја нагласува добрата соработка на органите на локално и централно ниво.
Двата пожари кои беа предизвикани намерно, од човечки фактор, биле на 300 метри раздалеченост, уништија и 50 хектари борова шума. Пожарот брзо се ширел поради сувата шума но и поради ветерот кој дувал во променлив правец.