Мафијата на смртта поддржана од Филипче за три години земала 35 милиони евра тендери само од Онкологија.Деновиве сме сведоци на вештачки искреирана криза на Онкологија токму од главното протеже на таа мафија, кој е во блиски релации со Венко Филипче, рече пратеникот на ВМРО-ДПМНЕ Миле Лефков.
– Имено веледрогеријата Др. Пановски, е сопственост на таткото на Ирина Пановска, која Венко Филипче ја постави за директорка на Клиниката за Хематологија од 2022 година до сега земала неверојатни 35 милиони евра тендери само од Клиниката за онкологија и радиотерапија. Годишно во просек оваа веледрогерија блиска до Венко Филипче од Онкологија земала над 12 милиони евра тендери. Онкологија и државата се заложници на оваа веледрогерија со огромни профити, која креира вештачки кризи секоја година. Го повикуваме ЈО веднаш да постапи и отвори случај, а истовремено да каже до каде е со истрагите од случајот „Диво месо“, рече Лефков.