Од 9 до 11 часот утре без струја ќе бидат корисниците од улицата „Васил Ѓоргов“ бр.20 во општина Центар.
Во периодот од 9 до 14 часот без струја ќе биде објектот на Инвест Градба во Момин Поток. Од 9 до 15 часот без струја ќе бидат дел од корисниците од улицата „Скупи“, објектот на „Јосинг“ во општина Шуто Оризари и корисниците од село Копаница.
Корисниците од селата Танушевци, Брест и Малина Маала ќе бидат без струја од 9.30 до 15 часот.
Како што информира РЦУК – Скопје, прекините се заради реализација на инвестициски зафати за подобрување на квалитетот во снабдувањето со електрична енергија на корисниците во овие реони.
