Војската на Украина објави борбена снимка за која тврди дека покажува како специјалните сили ја напаѓаат севернокорејската пешадија во руската област Курск.
Неколку елитни бригади на украинската армија на почетокот на август ја нападнаа руската област Курск и оттогаш Русите се обидуваат да ги потиснат. Неодамна, севернокорејски војници кои претходно биле на обука на далечниот исток на Русија, недалеку од границата со Северна Кореја, пристигнале да им помогнат на руските сили.
Украинците денеска објавија снимка на која се гледаат напади со беспилотни летала врз војници за кои украинската војска тврди дека се Севернокорејци во Курск.
Украинската воена разузнавачка агенција ХУР за борбите во Курск објави дека Севернокорејците претрпеле значителни загуби во Курск.
„Во текот на 14 и 15 декември 2024 година, во областите на селата Плеково, Ворожба и Мартиновка, Курска област, Русија, единиците на севернокорејската армија претрпеа значителни загуби – најмалку 30 војници беа убиени или ранети“, се вели во извештајот од 16 декември. .