„Денешниот протест во паркот кај ООУ „Лазо Трповски“, најмалку од сè е спонтан протест на жители на Карпош 3. Тој претставува очајничка игра на СДСМ чија крајна цел е внесување конфузија кај граѓаните на Карпош. Ако се има предвид дека во првите редови меѓу, како што се нарекуваат, протестантите беше Киро Буревски, иницијатор на петицијата за останување на Бранко Црвенковски на чело на СДСМ, а патем жител на Карпош 4, а не на Карпош 3, јасно е дека станува збор за политички мотивиран протест без никаков граѓански поттик и интерес.
– Што се однесува на забелешката дека таму ќе се гради катна гаража чија крајна цел е финансиски профит, Општина Карпош енергично негира дека барем еден квадратен метар ќе биде деловен простор или дека ќе се користи за комерцијални цели. Целта на изградбата на катната гаража е да се реши проблемот со паркирањето во овој дел од Карпош поврзан со новата општинска зграда и институциите сместени во неа, како и за станарите од соседните згради. Паркирањето во неа ќе биде бесплатно“, се вели во реакцијата на Општина Карпош.