Египетските власти спасија 28 лица во Црвеното Море откако потона туристички брод, а потрагата по други патници и членови на екипажот продолжува.
Бродот Sea Story, на кој имало 45 луѓе, меѓу кои 31 турист од различни националности и 14 членови на екипажот, бил на повеќедневно нуркачко патување и потонал во близина на крајбрежниот град Марса Алам во Црвеното Море.
Гувернерот на провинцијата Амр Ханафи изјави дека некои преживеани биле спасени со хеликоптер и пренесени во болница.
Потрагата по останатите патници продолжува во координација со египетската морнарица и армија.
Покраината објави дека повикот за помош бил примен во 5:30 часот и дека бродот испловил од Порт Галиб во неделата и требало да се врати во марината во Хургада на 29 ноември.
Црвеното Море е популарна дестинација за нуркање позната по своите корални гребени.