Левица поднесе кривична пријава против градоначалникот на Росоман

Од:

Левица поднесе кривична пријава до Основното јавно обвинителство – Кавадарци против Стојан Николов, градоначалник на Општина Росоман, поради злоупотреба на службената положба и овластување.

– Правниот сектор на Левица достави докази, како сериозни наводи за злоупотреба на јавни средства и незаконско ангажирање на Стаменов, лице кое веќе имало статус на пензионер.

Со ваквите незаконски постапки, Николов превземал дејствија со кои злоупотребувајќи ја својата службена положба – градоначалник на Општина Росоман, ги пречекорил своите овластувања и склучил работни договори со лице за кое знаел дека не може да биде вработен во општина Росоман, а со тоа му овозможил на Стаменов да се стекне со противправна имотна корист, а на штета на буџетот на општина Росоман, во износ на вкупно договорениот надоместок за цело времетраење на договорите. Ги повикуваме надлежните органи преку транспарентна и непристрасна постапка да ја процесуираат оваа пријава со највисока професионалност. Левица ќе продолжи да се залага за одговорност и рационално трошење на јавните пари, а против расипничкото трошење на носителите на јавните функции кои се богатат врз грбот на граѓаните, се вели во соопштението од партијата.

Би можело да ве интересира

(ВИДЕО) Мојсоска: ДПМНЕ три месеци го држи предлог-законот за семејно насилство во фиока

А1он

(ВИДЕО) Мециновиќ: Имаме влада крвник на сопствениот народ, три години не ја зголемува минималната плата и ја штити олигархијата

Левица: Македонија единствена европска земја против хуманитарна помош за Палестинците – ДПМНЕ ја влече државата кон талогот на цивилизацијата

(ВИДЕО) Мециновиќ: Мицкоски го присвои државниот буџет – Левица со 80 амандмани за враќање на јавните пари во служба на граѓаните

Левица: Зошто обвинителот Арнаудоски сѐ уште го води предметот за Сара – кој ќе ја испита неговата непристрасност и интегритет?

Левица: ОЈОГОКК бара докази за истепаниот малолетник во Охрид – Внатрешна контрола и Тошковски ја саботираат постапката

Горан Наумовски