Повеќе од 70 милиони луѓе ја искористиле можноста за предвремено гласање на претседателските избори во САД, кои ќе се одржат на 5 ноември, соопшти денеска Изборната лабораторија на Универзитетот во Флорида.
Како што е наведено, тоа е околу 45 отсто од вкупно 158 милиони гласачи што се пријавиле за претходните претседателски избори во 2020 година.
Пред осум години, 47,2 милиони луѓе ја искористија можноста за предвремено гласање, а рекорден број предвремени гласачи од 101,5 милиони беше забележан на претходните избори, што беше последица на пандемијата на ковид, кога луѓето избегнуваа да стојат во редици, објави „Би-Би-Си“.
Годинава рекордер по бројот на предвремени гласачи, во однос на бројот на жители, е Џорџија, една од седумте неопределени држави, каде што 4 милиони луѓе, што е повеќе од половина од регистрираните гласачи, веќе го дадоа својот глас за својот фаворит.
И Доналд Трамп и Камала Харис денеска ќе бидат во Џорџија на крајот од нивните кампањи.
Прво, актуелниот потпретседател ќе зборува на митинг во Атланта, по што Трамп ќе зборува на митинг, само за жени.