Рускиот претседател Владимир Путин изврши увид во стратешките нуклеарни сили за одвраќање.
„Денес спроведуваме уште една обука на стратешките сили за одвраќање. Ќе ги вежбаме активностите на официјалните лица за контрола на употребата на нуклеарно оружје со практично лансирање на балистички и крстаречки ракети“, рече Путин.
Како што рече, Русија се придржува до принципиелниот став дека употребата на нуклеарно оружје е последната мерка за обезбедување на безбедноста на земјата.
Сепак, како што додаде, Русија треба да има стратешки сили кои се модерни и постојано подготвени за употреба.
Русија ќе ги подобри сите компоненти на своите сили за нуклеарно одвраќање и има доволно ресурси за тоа, посочи рускиот претседател.
Тој додаде дека Русија нема намера да се вклучи во трката за вооружување, но ќе ги одржи своите нуклеарни сили на потребното ниво.
Нуклеарната тријада останува сигурен гарант на рускиот суверенитет и безбедност, рече Путин.
Опремата на руските нуклеарни сили со модерно оружје достигна околу 94 проценти.
За време на воените вежби ќе се вежба и лансирање на ракети.