Соединетите Американски Држави извршија напади врз пет подземни складишта за оружје во областите на Јемен под контрола на Хутите, соопшти денеска американскиот секретар за одбрана Лојд Остин.
„Американските сили гаѓаа неколку подземни објекти на Хутите во кои се сместени различни компоненти на оружје што групата ги користи за цел на цивилни и воени бродови низ целиот регион“, рече Остин, пренесе Ројтерс.
Американската централна команда објави дека моментално работи на проценка на штетите и дека нема индиции за цивилни жртви.
Нападот дојде откако американската војска изврши 15 напади врз цели поврзани со Хутите во Јемен претходно овој месец, каде што жителите пријавија експлозии на воени пунктови и аеродром.
Хутите извршија речиси 100 напади на бродови во Црвеното Море од ноември и рекоа дека тоа го прават во знак на солидарност со Палестинците во израелската војна во Газа, која започна минатиот октомври. Оттогаш, два брода се потонати, еден е запленет, а најмалку четворица морнари се убиени.