Беспилотни летала на Вооружените сили на Украина во текот на ноќта нападнаа складиште за нафта во Ровенки во самопрогласената Луганска Народна Република (ЛНР).
Според локалните власти, една цистерна со гориво се запалила, а во нападот со дрон нема жртви, пренесува РИА Новости.
🔥🔥🔥 BAVOVNA at the Russian oil depot in Rovenky, Luhansk region. pic.twitter.com/dyYmBfQ0Rb
— MAKS 24 🇺🇦👀 (@Maks_NAFO_FELLA) October 12, 2024
Генералштабот на вооружените сили на Украина потврди дека украинската армија погодила складиште за гориво во близина на градот Ровенки во „привремено окупираната територија на регионот Луганск“, пренесува украински Интерфакс.
„Во оваа база се складирани нафта и нафтени деривати, кои меѓу другото и се доставуваат на руската армија“, соопштија од Генералштабот.
Нападот го извршија силите на Главната разузнавачка управа на Министерството за одбрана на Украина во соработка со другите компоненти на одбранбените сили.
Претходно, на социјалните мрежи се појавија видео снимки на кои се гледа како запален магацин за нафта, по напад со дрон, а потоа сателитски снимки потврдија пожар во реонот на складиште за нафта во Ровенки.