Вториот мировен самит, кој се планира да се одржи до крајот на годината, треба да стави крај на војната што ја започна Русија, изјави денеска украинскиот претседател Володимир Зеленски.
„Треба да ја зајакнеме Украина што е можно повеќе за да организираме втор мировен самит оваа година, што може да стави крај на оваа војна“, нагласи Зеленски на прес-конференција во Киев, пренесува „Униан“.
Претседателот на Украина посочи дека сите во Европа се заинтересирани за мир.