Ангелов: Пожари на две места на Водно и искршено стакло на продавница

Од:

Директорот на Центарот за управување со кризи Стојанче Ангелов, кој се упати кон планинарскиот дом „Даре Џамбаз“ на Водно каде утрово изби пожар, информира дека биле запалени бандера во близина на детското одморалиште, а еден час подоцна и планинарскиот дом. Искршено било и стаклото на продавницата на врвот на Водно.

– Се работи за вандализам на најмалку три места. Од она што можев лично да го забележам е дека пожарот е започнат надвор од Домот од куп ѓубре или дрва кои биле запалени. Според кажувањата на првите очевидци, пожарот се проширил на дрвената рамка на прозорецот на планинарскиот дом, вели Ангелов.

Пријавата за запалена бандера на средно Водно е добиена околу 7.20 часот, а еден час подоцна и пријавата за планинарскиот дом.

– На лице место забележале дека покрај опожарениот дом, скршено е и стаклото на продавницата, изјави Ангелов.

Жичарницата, како што информира Ангелов, не работи и не се знае кога ќе продолжи со работа поради прекин на електричната енергија.

Екипи на Министерството за внатрешни работи се на терен и работат на расчистување на случајот.

Би можело да ве интересира

Догорче од цигара причина за пожарот во ГОБ „8 Септември“, нема повредени

Пожар во болницата „8 Септември“ во Скопје, пациентите се евакуираат

Горан Наумовски

Пожар во подземниот паркинг на КАМ мол во Ѓорче Петров, евакуирани посетителите

Горан Наумовски

Изгорен стан во Белград, во ходникот пронајдено тело на 55 годишник

А1он

Двајца пожарникари загинаа додека гасеа пожар во близина на Атина

Нема повредени при запалените куќи на Бит-пазар, полицајци сѐ уште присутни на лице место