Три одделни земјотреси со јачина нешто повеќе од три степени според Рихтеровата скала вечерва се случија во близина на грчкиот остров Крит.
Првиот земјотрес бил со интензитет од 3,3 степени според Рихтеровата скала, а епицентарот се наоѓа на 70 километри југоисточно од Гудурас.
Длабочината на земјотресот е проценета на 6,4 километри, пренесува грчки „Проњуз“.
Вториот земјотрес бил со јачина од 3,2 степени според Рихтеровата скала и се случил на 48 километри југоисточно од Гудурас, додека длабочината била проценета на 9,8 километри.
Третиот земјотрес бил со јачина од 3,3 степени според Рихтеровата скала и се случил на длабочина од 5,6 километри.