Девет државјани на Украина се повредени денеска во сообраќајна несреќа во Полска, а петмина од нив се во тешка состојба, соопшти Министерството за надворешни работи на Украина.
Конзуларниот претставник на Министерството за надворешни работи на Украина, Викторија Шеа, изјави дека утринава околу четири часот во реонот на градот Свиецко во војводството Љубуш, минибус во кој се превезувале девет државјани на Украина се судрил со техничко возило, пренесува Интерфакс Украина.
По судирот, украинските државјани се хоспитализирани, а петмина се во критична состојба.
Меѓу нив има четири деца на возраст од две, три, четири и 15 години, се наведува во соопштението.